LEGAZPI CITY-Nanindugan an Bureau of Immigration (BI) na warang record nin anumang pagbiyahe sa luwas kan nacion an puganteng business tycoon na si Atong Ang.
Ini sa katahawan kan mga report na posibleng magtakas si Ang pasiring sa Cambodia kasunod kan inisyung mandamiento de aresto katakod kan kaso kan missing sabungeros.
Segun kay BI Spokesperson Dana Sandoval, basado sa record na warang nagluluwas na departure o pagbiyahe sa luwas kan nacion si Ang.
Pigbabantayan man suboot an Philippine Coast Guard asin local force enforcement an mga illegal migration corridors enkaso igwang mahiling na illegal crosser asin pigpapaaram sa Bureau of Immigration ngani mabusisi an saindang mga rekords.
Naenot na man na sinabi ni DILG Sec. Jonvic Remulla na kumpiyansa an mga awtoridad na nagtetenir sa Pilipinas si Ang mantang pigsasawarang bahala an posibilidad na nasa Cambodia ini huli sa suboot mga naset-up na online sabong kan nasabing pugante.
