Ipina-deport kan Bureau of Immigration (BI) an sarong Indian fugitive na wanted para sa mga high-profile crimes kabale an pagpupuslit kan droga asin badil, money laundering asin terorismo.
Segun sa pahayag na iniluwas kan BI, pinaali sa nacion kan Pebrero 1 si Joginder Gyong, na midbid man bilang Gupta Kant.
Dugang pa kaini an inarestar siya kan mga law enforcers kan India pag-abot sa airport.
Segun pa sa ahensya, si Gyong an sarong subject kan sarong interpol red notice asin wanted para sa dae mababa sa 26 na serious criminal cases sa kadakol na estado sa India na kinababalehan kan murder, attempted murder, extortion asin kidnapping for ransom.
Nagpasiring si Gyong sa Pilipinas dara an sarong pekeng Nepalese passport sa irarom kan pangarang Kant Gupta.
Afuera kay Gyong, pinatalsik man kan BI an 26 na dayuhan, 23 Chinese asin tulong Malaysian na kabale sa 450 katawo na inarestar kan Enero 2025 nin huli sa manlain-laing pagbayolar sa immigration.
 has deported an Indian fugitive wanted for high-profile crimes including drug and gun smuggling, money laundering and terrorism.){kind=link}