LEGAZPI CITY- Tutok an atensyon ngonian kan Department of Labor and Employment sa tabang naman kan Bureau of Labor Relations sa mga business establishments na dae nag-ootob sa tamang pasahod sa mga empleyado.
Segun ki Atty. Benjo Benavidez, director kan Bureau of Labor Relations, nag-aabot sana 50, 000 hasta 90, 000 an mga nabibisita ninda sa labi sa 900, 000 na business establishments sa buong nacion sa kada taon.
Aminado man an opisyal na nagkapira sa mga ini an nagbabalik sa dating gawi urog na sa paghale kan mga inspector kun kaya nangapodan ini sa engagement kan employer asin labor sector na siyang maga-asegurar sa compliance kan mga negosyante.
Sa mga nainspeksyon naman alagad nagpadagos man giraray sa non-compliance, pigigibuhan na suboot nin esfuersos na regular na mabisita an mga ini.
Mientras tanto, ipighayag kan opisyal na nagbaba na nin kasuguan sa paagi ni DOLE Sec. Silvetre Bello III sa mga dugang na inspectors tangarig na magin mas epektibo an pagbabantay asin pag-inspeksyon.
