LEGAZPI CITY-Padagos an pigpapahiling na halangkaw na aktibidad kan Bulkan Mayon mantang nagtetenir sa Alert level 3 poon kan alas 12 nin maagahon ngonian na aldaw, Pebrero 15, 2026.
Susog sa datos kan Philippine Institute of Volcanology and Seismology, na padagos an pagbuga kaini nin lava kun sain nagaabot na sa 3.8 km sa Basud gully, 1.6 km sa Bonga gully asin 1.3 km sa Mi-isi gully.
Nakapag-rehistro man nin 20 volcanic earthquakes, 375 rockfall events asin 19 pyroclastic density current signals o ‘Uson’.
Kasabay kaini, nai-rekord man an 3, 788 na tonelada kada aldaw nin Sulfur Dioxide Flux poon kan Pebrero 13, 2026.
Nanotaran man an Plume o maluyang pagsingaw na may sukol na 200 meters height, na napapadpad sa west-southwest kan Bulkan.
Matatanaw man an banaag o an pigaapod na crater glow sa Bulkang Mayon asin padagos an paghuhubag o geound deformation kan Bulkang Mayon.
Kasabay kaini, pigpapatanidad an publiko na likayan an paglaog sa permanent danger zones asin magsulot nin facemask huli sa banta kan ashfall.
