Liwat na nagtuga an Bulkang Kanlaon sa Negros Island ngonian na Biyernes, Pebrero 27 kasubagong aga, na nagdurar nin labi sa sarong oras poon alas 9:43 nin aga hasta alas 10:53 nin aga, base sa time-lapse footage na ipigheras kan Philippine Institute of Volcanology and Seismology (Phivolcs).
Susog sa Kanlaon Volcano Observatory sa Kanlaon City, an pangyayari nagbunga nin mahibog na abong plumes sa itaas kan summit crater na napadpad pasiring sa timog na direksyon.
Sa presente, nagtitinir sa Alert Level 2 an alerto sa Bulkang Kanlaon, kun saen ipinagbabawal pa man liwat an paglaog sa 4 kilometer radius permanent danger zone asin an pagpapalupad kan arin man na eroplano na harani sa bulkan.
Nagkapirang lugar an apektado kan ashfall kabali na an banwaan kan La Castellana katakod kan pagtuga kan bulkan kan bangui kan Huwebes, Pebrero 26.
Inaabisuhan an mga residentes na magsulot nin face mask nganing maibitaran an epekto sa salud kan ashfall.
.){kind=link}