LEGAZPI CITY – Liwat na nagpagirumdom an Bangko Sentral ng Pilipinas na magin maingat asin hilingon nin maray an mga nareresibeng kwartang papel tangarig na dae mabiktima kan mga counterfeit money.
Kasunod ini kan pagkakaarestar sa 63-anyos na si Ma. Cecilla Nodalo na binalong magbakal nin bagas sa Legazpi City Public Market gamit an apat na P500-peso bills.
Nagduda suboot an kagsadiri kan tindahan makalihis na mahiling na iba an texture kan kwartang papel mantang magkakapareho an serial number kan mga ini.
Sa intrevista kan Bombo Radyo Legazpi ki BSP Legazpi Branch Deputy Director Atty. Tomas Cariño, ipigdulok kan Legazpi City Police an nangyari kaya nagbaba na nin temporary certificate an BSP tangarig na masunadan nin kaso an gurang.
Todo-nigar man ini sa akusasyon huli ta binayad sana man suboot an kwarta hali sa lending business.
Ipinagsugo naman sa ‘cash agents’ kan BSP an pag-iimbestigar sa insidente asin pag-aram sa source kans pekeng pera.
Mientras tanto, nilinaw ni Cariño na dae pa maapod na large-scale modus an paglakop kan mga counterfeit currencies sa ciudad na pig-aaksyunan naman suboot kan mga otoridad.
