LEGAZPI CITY – Preparado na an nagkapirang opisyales asin doktor kan Bicol Regional Training and Teaching Hospital na magresibe kan mga enot na bakunang ibabiyahe pasiring sa rehiyon.
Pagheheras ni Dra. Sally Macinas, BRTTH OIC medical chief sa intrevista kan Bombo Radyo Legazpi, kan nakalihis na bulan pa kan punan an paghahanda.
Welcome development man ini para sa mga health workers na importante sa proteksyon sa salud mantang nakapag-simulation exercises naman sa magigin flow.
Puon sa pag-ako kan mga bakuna, pagkakaag sa storage facility, pagmentina asin seguridad, pinag-adalan kan mga personahes.
May training man an mga vaccinators sa pag-administrar kan bakuna.
Dawa eksperto na kaya, may proseso asin protocols man giraray na dapat sundon.
Alagad kan mahapot kun si Macinas an enot na maresibe kan bakuna sa BRTTH simbag kaini na mawoton man kuta niya, dai man nag-qualify sa bakunang Sinovac huli ta 65-anyos na.
Susog sa abiso kan Food and Drug Administration (FDA), edad 18 hasta 59-anyos sana an kwalipikadong magresibe kan nasabing bakuna.
Ipigpapaubaya naman sana ni Macinas sa mga miembro kan executive committee na kwalipikado an pangengenot sa initial phase kan vaccination program. (with report from Bombo MJ Marcaida-Reblando)
