Namaaram na si British boxer asin dating boxing world champion na Ricky Hatton sa edad na 46.
Segun sa tagapagtaram kan Greater Manchester Police na nakaresibe sinda nin apod kun saen wara nang buhay an boksingero sa residencia kaini sa Bowlace Road, Hyde, Tameside.
Dae man sinabi pa kan mga otoridad an kawsa kan pagkagadan kan boksingero.
Binansagang “The Hitman” si Hatton kun saen nanggana ini nin world titles sa light welterweight asin welterweight class.
Nakahampang kaini an pirang mga famuso na boksingero sa kinaban siring ninda Floyd Mayweather Jr, Manny Pacquiao asin Kostya Tszyu.
Taong 2007 kan pinamati saiya ni Mayweather an enot na pagkadagog kun saen igwa kuta ining malinig na 43 na kapangganahan.
Kan nagretiro ini kan 2012 igwa ining malinig na record na 45 kapangganahan asin tulong pagkadaog.
Sa mga nakalihis na taon dae kaini ipignigar an pagka-adik sa arak, droga asin nakamati nin depresyon.
Nakatalaan kuta ining magbalik sa boxing ring sa Disyembre ngunyan na taon nganing labanan si Eisa Al Dah na gigibohon sa Dubai sa Disyembre 2.
