Nadukayang wara nang buhay an sarong barangay kagawad sa compound kan sarong gusali sa Barangay 2, San Mateo, Isabela.
Binisto ining si Kagawad Jeff Dela Cruz, 38-anyos na residente kan Barangay 3 kan nasambitang banwaan asin provincia.
Segun sa caretaker kan nasabing gusali na si Ginoong Edgar Tatalon, napansin suboot kan kaiba kaining caretaker na babae na gareng igwang tawo sa laog kun kaya nilibot kaini an gusali asin digdi na niya nahiling an nakahandusay asin wara nang buhay na biktima.
Dae man suboot ninda ini bisto kun kaya nag-apod na sana sinda sa himpilan kan pulisya.
Dae pa man nagluluwas nin anumang pahayag an San Mateo Police Station huli ta presente pa an piggigibo nindang pagsisiyasat asin nakatalaan pa nindang I-review an mga CCTV footages nganing maaraman an tunay na pangyayari.
Dae na man nagtugot an pamilya kan biktima na isairarom sa awtopsiya an hawak kan saindang kaanak.
