LEGAZPI CITY – Nakatalaang plantaran nin magkakanigong kaso an sarong barangay kagawad makalihis na makuhaan nin mga bako lisensyadong armas kasabay kan isinirbeng search warrant sa residencia kaini.
Binisto an akusado na si Barangay Kagawad Rudy Fernandez na residente kan Brgy. Camburo.
Sinabi man ni PCpt. John Michael Miraflor, hepe kan Caramoran PNP sa intrevista kan Bombo Radyo Legazpi, nagkapirang concerned citizen an nagdulok sa hepatura tangarig na isumbong an pagluwas nin armas kan kagawad kun may mga okasyon.
Sa pagsirbe kan search warrant, duda man an mga otoridad na igwa pang ibang badil si Fernandez huli ta caliber .38 an ipigsurendir sa mga otoridad alagad caliber .9mm an pighahanap nindang armas.
Huli digdi, anas kinua an duwang badil na may laog na siyam na bala sa kada armas. Napag-araman na sarong army reservist an kagawad alagad tinawang-duon kan hepe na kinakaipuhan man giraray an lisensya asin magkakanigong dokumento sa pagdadara nin mga armas.
