LEGAZPI CITY—Idineklarang saro sa mga Top 1 an Barangay Dap-dap, Legazpi City sa ikinundusir na Awarding of Best Performing Barangay Council for the Protection of Children sa ciudad.
Segun ki Kapitan Glenn Barcelon kan Barangay Dap-dap, Legazpi City, sa intrevista kan Bombo Radyo Legazpi, ini na an ikatolong beses na nakua ninda an nasabing honra.
Inspirasyon suboot ninda an mga kajovenesan kan barangay kun sain padagos nindang pig-asigurar na maprotehiran kontra sa karahasan asin masierto an saindang kaligtasan.
Nagpapasalamat man an opisyal sa pagpartisipar kan mga kajovenesan sa saindang barangay siring man sa Barangay Council for the Protection of Children kan Barangay Dap-dap nganing maitaguyod an mga programa para sa saindang kajovenesan.
Mientrastanto, kabale man sa dineklarang Top 1 an Barangay Gogon, asin kasabay man sa nanggana nin consolation prize an Barangay Bariis, Barangay Tinago, Barangay Estanza, Barangay Pigcale, Barangay Cabangan East, Barangay Padang, Barangay Tamaoyan asin iba pang barangay sa nasabing ciudad.
