Kinumpirmar ni Department of the Interior and Local Government (DILG) Secretary Jonvic Remulla ngonian na Sabado, Disyembre 20, na an hawak kan dating Department of Public Works and Highways (DPWH) USec. Catalina Cabral an nakuwa sa sarong bangin sa Tuba, Benguet.
Segun sa kalihim, an rason kan pagkagadan kan dating opisyal iyo an “blunt force trauma consistent with a fall.”
Kinumpirmar kan kalihim na an mga findings, na nagpahiling na wara nin mga tama nin badil o iba pang indikasyon nin foul play.
An mga lugad na sinapo kan dating opisyal an huli sa pagkahulog hale sa halangkaw na lugar.
Ipig-anunsyo man ni Sec. Remulla na an agom ni Cabral nakatalaang itao an saiyang mga personal na gamit sa mga imbestigador pagkatapos na ilubong an dating opisyal.
Si Cabral an saro sa mga importanteng personalidad na imbuelto sa mahiwasang iskandalo nin kurapsyon na may linaaraman sa mga flood control projects sa Bulacan.
Si Cabral nakuwang gadan makalihis suboot na mahulog sa bangin harani sa Bued River sa kalabaan kan Kennon Road sa Tuba, Benguet kan banggi kan Huwebes, Disyembre 18.
 Secretary Jonvic Remulla confirmed on Saturday, December 20, that the remains of former Department of Public Works and Highways (DPWH) USec. Catalina Cabral were found in a ravine in Tuba, Benguet Province.){kind=link}