LEGAZPI CITY-Magpapaluwas an Bureau of Customs (BOC) nin warrant of seizure and detention laban sa walong luxury vehicles na konektado kay dating Ako-Bicol party-list Rep. Elizaldy “Zaldy” Co.
Segun kay BOC Commissioner Ariel Nepomuceno may iregularidad sa mga dokumento kan mga behikulo kaya magpapaluwas sinda nin warrant.
Kun dai suboot maipapahiling kan may sadiri an lehitimong papeles, an mga behikulo an mapapaduman sa pag-sadiri kan gobierno.
Kan bulan nin Enero, nasamsam na kan Bureau of Customs asin Philippine National Police an 14 na behikulo ni Co na nagbabayolar sa Customs Modernization and Tariff Act.
Marurumduman na si Co an naiimbuelto sa iskandalo kan flood control projects, kun sain nakaresibe suboot ni mga kickbacks.
Naisyuhan man siya nin arrest warrant kan Sandiganbayan kasunod kan suboot P289.5 milyong anomalya sa proyekto sa Naujan, Oriental Mindoro.
Sa ngonian, an walong walong luxury cars, an naka-park sa Independent Commission for Infrastructure compound sa Taguig City makalihis an paghahanap kaini sa condominium kan dating kongresista.
