Nagsunad nin bagong ‘tax evasion’ an Bureau of Internal Revenue sa Department of Justice laban sa sarong kontratista na imbuelto sa anomalya kan flood control projects.
Personal na nagduman sa departamento si Internal Revenue Comm. Charlito Martin Mendoza nganing magsunad nin reklamo partikularmente laban sa kagsadiri kan Wawao Builders na si Mark Allan Villamor.
An nasambitan na indibidwal iyo an ‘sole proprietor’ kan nasabing construction company na imbuelto sa ghost flood control project sa Malolos City, Bulacan.
Segun kay Comm. Charlito Martin Mendoza, an pagsangat kan reklamong ‘tax evasion’ an nag-ugat sa dae pagbayad nin buwis na nagkakantidad nin P48.39 million.
Sinabi niya na tinawan ini nin kontrata na magtugdok nin flood control project o river infrastructure protection sa Bulacan kan 2024.
Dugang pa kan commissioner, sa ibong kan pondo o bayad na ipigtatao sa contratista, wara pang nahihiling na nahaman o nagibong proyelto.
Huli kaini, pigduon ni Internal Revenue Comm. Mendoza na an lakdang na ini sarong demonstrasyon na seryoso an saindang kampanya laban sa kurapsyon sa flood control projects.
