LEGAZPI CITY-Isinapubliko kan Bureau of Internal Revenue (BIR) an Revenue Memorandum Circular (RMC) No. 47-2026 kansudma, Mayo 19, 2026, na nagtatakda kan panibagong giya ngani gibohon na simple an proseso kan pagsasarado kan negosyo asin pagkansela kan tax registration.Parte ini kan pigpapaotob na Republic Act No. 11976 o Ease of Paying Taxes Act.
Segun ki BIR Commissioner Charlito Martin R. Mendoza, an repormang ini obhetong gibohon na mas episyente asin mas maray an serbisyo kan gobyerno, asin gibohon na mas investor-friendly asin business-friendly an tax administration.
Sa irarom kan bagong guidelines, pwedeng magsumiter nin aplikasyon para sa closure o kanselasyon kan registration an mga negosyo na nagpundo na an operasyon, sa paagi nin manual o electronic filing sa Revenue District Office kun sain enot na nakarehistro.
Pinasimple man an mga documentary requirements: apwera sa application form asin pagsusumite kan orihinal na mga dokumento sa registration kan BIR, kaipuhan na isumiter an duwang set kan mga dokumento — (1) enot sarong lista nin mga ending inventory ng goods asin suplay kabali an mga ang capital goods para sa VAT-registered taxpayers, asin (2) ikaduwa sarong imbentaryo nin mga dai pa ginamit na mga invoice, supplementary documents, asin iba pang accounting forms.
Enkaso maisumiter na an kumpletong requirements, dai na madadagdagan an penalties para sa non-filing ng tax returns. An mga form types kan taxpayer, ilalaag sa “deregistered” status ngani maibitaran an pagdakol kan open cases.
Siring man, pwedisir na magsagibo nin audit an BIR ngani matukoy kun igwang natatadang tax liabilities.
Para sa mga micro taxpayers, dai na sinda masairarom sa mandatory audit para sa closure o kanselasyon kan registration.
An tax clearance, pwedisir na ipaluwas sa laog kan tulong aldaw sa pagsusumiter kan kumpletong requirements, kun warang open cases o outstanding liabilities.
Pig-enganyar man ni Commissioner Mendoza an mga negosyong nagpundo na sa operasyon na aprobitsaranan bagong proseso ngani maibitaran an padagos na pagdakol kan penalties asiin ngani ma-update nin maayos an saindang tax records sa BIR.
