LEGAZPI CITY-Nakuwa ni Binibining Pilipinas Myrna Esguerra an ikaapat na puwesto sa final competition kan Miss International 2025.
Sa final question and answer, hinapot an kandidata kun pano niya ihahayag an saiyang Miss International Journey sa saiyang pamilya o sa saiyang padangat sa buhay.
Ipigheras man ni Myrna na iheheras niya ini sa saiyang ina na nagkaigwa siya nin 79 mga tugang kun sain pigrepleka niya an saindang pagkakasararo bilang kandidata sa pageant kaiba an iba pang contestants.
Tinawan doon man niya an saiyang eksperyensya an nagtukdo sa saiya na magin selfless asin tawanan nin importansya an pagkakaigwa nin friendship kaiba an mga kababaihan sa bilog na kinaban.
Liwat sa dai niya nakuwa an trayumpo, ikinaogma man giraray kan mga fans an nagin representasyon ni Myrna kan Pilipinas sa nasabing pageant.
Mientrastanto, nakuwa ni Catalina Duque Abreu kan Columbia an Korona bilang Miss International 2025, 3rd runner up si Melliza Xaviera Yulian kan Indonesia, 2nd runner up si Paola Guzmán kan Bolivia asin 1st runner up naman si Yollanda Chimbarami kan Zimbabwe.
An Miss International an saro sa pigbistong “Big Four” international beauty pageant, kaiba an Miss Universe, Miss World asin an Miss Earth.
