Ipigbubusol ngunyan ni Davao City 1st District Representative Paolo Duterte an sarong bill na mag-oobliga sa gabos na mga opisyales kan gobyerno na magsairarom sa random drug tests.
Nakalaag sa nasabing bill na gabos na mga opisyales kan gobyerno, mapa-apointed man o elected official an kaipohan na magsairarom sa drug test, kaiba na an Presidente.
Isasagibo an test sa kada anom na bulan sa paagi nin follicle drug test.
An mga magpopositibo sa paggamit nin droga an posibleng masuspende o mapahali sa pwesto.
Pig-eengganyar man kan bill na magsairarom sa drug test maging an mga makandidato sa eleksyon sa laog nin 90 aldaw antes an pirilian.
