LEGAZPI CITY- Nagbaba an bilang kan mga establishemento sa syudad kan Legazpi na 100% smoke free basado sa datos kan Smoke free Unit kan nasabing syudad.
Segun kay Jose Balbin, an Smoke free Unit Legazpi Enforcer sa intrevista kan Bombo Radyo Legazpi, nakapag inspeksyon na sinda sa ngunian nin nasa 353 na mga establishemento alagad nasa 70 pa sana an pigdeklarang 100% smoke free kabali na an mga eskwelahan, Brgy. Halls asin Hotels sa Legazpi City.
Segun pa sa opisyal na huli sa mas hinigotan ninda an inspections sa mga nasabing establishemento kun kaya nagbaba man an bilang kan mga nakacomply kaini.
Alagad magkakaigwa pa suboot nin reinspection ngani na mamonitor kun talagang pig-uutob kan nasabing mga opisina an ordinansa kan syudad.
Mientrastanto, sa maabot na enero suboot maidudugang na sa eksistidong ordinansa kan syudad an no vaping ordinance kun saaen pinagbabawalan ng maggamit nin vape asin magpabakal kaini sa mga pampublikong lugar sa Legazpi.
Sa ngunian, nagtitinir na 100% smoke free city an syudad kan Legazpi na pig-oorgolyo kan Smoke Free Unit.
