Legazpi City– Nadismaya an sarong aspirante sa pagka-senador sa kan makasabay ini sa partial list kan Commision on Election bilang Nuisance Candidate ngunyan na papaabot na Midterm Election.
Sa eksklusibong panayam kan Bombo Radyo Legazpi kay Peter Jomel Advincula alyas Bikoy na nasurpresa ini nin huli ta kaiba an saiyang pangaran sa inisyal na listahan asin dae kaini aram kun ano an nagin basehan kun nyata ini pigpapadeklara bilang nuisance candidate.
Pigtaram pa kaini na kadaklan suboot sa mga nadeklarang official candidate bako man suboot malinig, mga trapo asin sinampahan na nin kaso asin diiton sana an may malinig na kamawotan base na man sa mga ipinaluwas na lista.
Pigdugang pa kaini na pighihiling kan Law Department kan komisyon an saiyang kaso alagad kun kun hihilingon suboot an kopya kan saiyang certificate of candidacy na pigbugtak kaini an gabos na kasong kinahampang kaiba an mga certified true copy kan status kan saiyang kaso asin diit na man sana suboot an pending nin huli ta iba digdi dismissed na.
Segun pa kay Advincula na warang pormal na paliwanag an komisyon manungod sa pagdeklara saiyang bilang nuisance candidate asin unfair suboot an kaso nin huli ta kadaklan sa mga nasa opisyal na lista an may pending, may kinahahampang asin kinasuhan na man kun kaya pig-ngangalasan kaini kun nyata an mga ini nakasabay sa opisyal na listahan mantang naideklara siya bilang nuisance candidate.
Pigsabi kaini na pigdeklara siya kan law department na nuisance candidate nin huli ta kasusupgan suboot ini nin huli sa patong patong na kasong pigkakahampang asin tulos man nagsabi na kadaklan sa mga ini an na dismissed asin dae man napatunyan kan korte na nagkasala ini.
Irarafle suboot can comelec en banc an mga pangaran kan mga inisyal na nadeklara bilang nuisance sa mga kanya kanyang division kan comelec asin dadangugon saro saro suboot an saindang mga lado asin ilalaban niya ini hanggang makaabot sa korte suprema nin huli ta bako makatarungan suboot na basta sanang magdeklarar asin alion an sarong aspirante na base sana sa saindang pag-hiling.
Pidugang pa kaini na ibugtak sa balota an gabos na aspirante asin pabayan an taumbayan na magdesisyon kun siisay an dapat na magtukaw sa pwesto nin huli ta wara man ini suboot na magiginibo kun abo saiya kan taumbayan asin man na dae ipag-depende sa desisyon kan departamento an kalayaan kan publiko na magpili.
Nahihiling kaini an sensiredidad kan komisyon asin dae paggadanon suboot an pangarap kan publiko na magdalagan sa anumang posisyon kan gobyerno.
Nangapudan sa Advincula sa comelec na pagbigyan an mga naideklarang nuisance na patunayan an saindang sadiri kan saindang kakayanan na magserbi asin magtaong maray na serbisyo asin pagbabago sa nasyon kasabay man saiyang pangapudan sa mga kapwa naideklarang nuisance candidate na manindugan kan saindang karapatan nganing konsiderahon an saindang pagdalagan.
Magigirumduman na nasangkot si Advincula sa “Ang Totoong Narcolist” videos kun sain inihayag kaini na sina dating Pangulong Rodrigo Duterte, Senador Christopher Bong Go asin iba pang tagasuporta kan administrasyon an suboot totoong nasa likod kan kalakaran kan iligal na droga sa nasyon asin tinuga man kalaunan na gibo gibo lang an video asin mga taga-oposisyon suboot an nagsugo saiya.
