Nahahadit ngunyan an Biden administration sa posibleng pag-atake kan Iran kasunod kan pagkagadan ni Hezbollah leader Hassan Nasrallah sa ginibong aistrike kan Israel.
Sinabi kan sarong US official na nakikipagtabangan ngunyan an Estados Unidos sa Israel para sa paglalatag nin depensa.
Pighahanda suboot an joint defense sa anuman na posibleng pagsakyada.
Marurumduman na pinangenotan kan administrasyon ni US President Joe Biden an multi-national defense kan Israel kan nakalihis na Abril, kan maglansar an Iraen nin nasa 300 drones asin missiles bilang pagbalos sa pagkagadan kan senior Iranian Revolutionary Guard officers sa Syria.
Pigkakahadit man ngunyan an mas mahewas pang giyera sa Middle East kasunod kan pagpapakusog kan Israel sa pag-atake sa Hezbollah sa Lebanon.
Sinabi ni Defense Department Spokesman Gen. Patrick Ryder na nagdugang na nin pwersa sa rehiyon, kaibanan na an USS Abrahm Lincoln Carrier Strike Group.
