LEGAZPI CITY- Saro an rehiyong Bicol sa mga nakapagrehistro nin halangkaw na voter’s turnout sa katatapos pa sanang 2025 national and local elections.
Segun ki Commission on Elections Bicol Director Atty. Jane Valeza sa intrevista kan Bombo Radyo Legazpi na nasa 85.12% an turnout sa rehiyon.
Pinahalangkaw an provincia kan Albay na igwang 89.37% turnout o katumbas nin 840, 183 na mga nagboto asin pigsusundan kan Catanduanes na igwang 86.60% turnout.
An provincia man kan Sorsogon an igwang 85.92% na turnout na pigsusundan kan Camarines Norte na igwang 85.27% turnout, asin Camarines Norte na igwang 84.25%.
An Masbate man an may pinakahibabang voter’s turnout na nasa 79.28% o katumbas nin 490, 864 na mga nakaboto.
Segun ki Valeza na nahiling kan komisyon an interest kan mga namamanwaan na makipartisipar sa pirilian.
