LEGAZPI CITY- Sarong Unity Walk an ikinundusir sa syudad kan Tabaco sa pagbubukas kan bulan kan Marso bilang Fire Prevention Month.
Sigon ki FCI Efren Realo kan Bureau of Fire Protection (BFP) Tabaco, ini an saindang pangsabat na aktibidad katakod kan obhetong magin salbado an bilog na syudad sa kasulo.
Pinartisiparan an Unity Walk kan mga estudyante, Philippine National Police (PNP), mga barangay tanod asin kan Tabaco City Council.
Dugang pa ni Realo, naglibot-libot man sinda sa mga barangay ngani na magsagibo nin information drive sa paagi kan pagbariwas nin mga leaflets kun sain nakasurat an mga patanid ngani na maibitaran an kasulo.
Magpapadagos suboot ini sagkod sa mga masunod na aldaw ngani na ma-impormaran an gabos na residentes sa lugar.
Nagpapasalamat man si Realo huli ta dae pa sinda nin naiirehistrong insidente nin kasulo alagad sienerto kaining preparado sindang magresponde in kaso magkaigwa nin siring na pangyayari sa saindang runa.
