LEGAZPI CITY — Kinumpirmar kan liderato kan Bureau of Fire Protection (BFP) Tabaco na ma-deploy sinda nin mga personahes katakod kan Semana Santa kun sain pupuunan ini sa aga, Miyerkules Santo.
Sa intrevista kan Bombo Radyo Legazpi ki Fire Chief Inspector Efren Realo kan BFP Tabaco, sinabi kaini na pinaglalaoman an pagruso kan mga deboto na mapasiring sa Mayon Skyline sa Huwebes Santo kun kaya kinakaipuhan an saindang preparasyon ngani na magtao nin asistensya sa publiko.
Dugang pa kan opisyal na na magkakaigwa nin augmentation kan mga personahes na maabot sa sampulo na ipapalakop sa tulong istasyon.
Kaibanan suboot sa mga istasyon na ini an tuktok kan skyline, an katahawan kaini, asin an pinaka-hibaba na matao nin asistensya sa mga deboto.
Tinawan duon man ni Reolo na dae na tutugutan an paggamit nin behikulo kun sain maglalakaw sana an gabos pasakat sa Mayon.
Sienerto man kaini na nakaposisyon an saindang mga fire trucks ngani na tulos na makaresponde kun in kaso magkaigwa nin emergency.
