LEGAZPI CITY—Preparado na ngonian an mga personahes kan Masbate City Fire Station en koneksyon kan saindang Oplan Kaluluwa 2025 ngonian na nagdadangadang na Undas.
Segun ki Masbate City Fire Station Public Information Officer Fire Officer 2 Mike Tiden Migo, sa intrevista kan Bombo Radyo Legazpi, puon pa kan nakaaging aldaw an naka-standby na an saindang mga bumbero nganing magtaong asistensya sa publiko.
Afuera digdi naglibot na man saindang mga personahes sa mga kamposanto nganing maasigurar an kalinigan siring man sa pag-check sa mga pigpagkotan na kandila nganing maibitaran an ano man na insidente nin kasulo sa lugar.
Nagtatao man suboot sinda nin asistensya sa mga nagpapasiring sa kamposanto urog na kun may naeeksperyensyahang bako magayon sa saindang hawak.
Nagpatanid man an saindang opisina na kun pwedesir an ibitaran na an ipag-iba sa kamposanto an mga may edad na asin may namamati sa salud nganing ma-ibitaran an ano man na dae piglalaomang insidente.
Mientrastanto, abiso man kaini sa namamanwaan kan Masbate na magin disiplinado asin pirmehang i-obserbar an kaligtasan kan lambang saro durante kan pag-obserbar kan Undas 2025.
