Nagtaong pagirumdom an Legazpi Bureau of Fire Protection sa publiko kasunod kan nangyaring kasulo sa Brgy. Puro kan naunambitang syudad.
Segun kay Sfo4 Garry Santander, chief operation kan Legazpi BFP sa intrevista kan Bombo Radyo Legazpi na nagpapagirumdom na mag ingat lalo na paabot an bulan kan disyembre kun sain ibong ibong an paggamit kan mga pailaw partikular na an chrismas light.
Pigtaram man kaini na magbakal kan mga pailaw na aprubado kan gobyerno ngani masyerto na maray ini gamiton asin dae magkawsa nin kasulo.
Pigdugang man kaini na kun may napaparong na suboot na nasusulong wire, tulos ining hanapon nganing maibitaran an paglakop pa kaini.
Segun pa kay Santander na napabayaan na kandila an nagin kawsa kan kasulo sa may brgy. puro asin poco mas o menos 10,000 de pesos an nagin danyos sa naunambitang kasulo.
Pigtaram man kaini na madali nindang nakaresponde nin huli ta arani sana sainda sa pinangyarihan kan insidente alagad totally damage suboot su arong na nasulo.
Pigsabi man kaini na sa presenteng taon iyu na ini an ika 28 insidente nin structural fire sa buong syudad asin mas halangkaw suboot ini kompara kan nakaaging taon.
