LEGAZPI CITY—Nakapagrehistro an Bureau of Fire Protection (BFP) Bicol nin pitong insidente nin kasulo sa rehiyon kan nakalihis na kapaskuhan.
Segun ki Fire Senior Inspector Liezel Lo-Batilo, an tagapagtaram kan Bureau of Fire Protection Bicol, sa intrevista kan Bombo Radyo Legazpi, luminangkaw an insidente nin kasulo ngunyan na kapaskuhan kumpara kan nakaaging taon kun saen may nairehistrong anom na insidente nin kasulo sa parehong period.
An mga nairehistrong pitong kasulo nangyari sa banwaan kan San Jose Panganiban asin Mercedes sa Camarines Norte, ciudad nin Legazpi sa Albay, Garchitorena asin Goa sa Camarines Sur, asin Irosin sa Sorsogon.
Dugang kaini na bako man dakula an nairehistrong danyos asin wara man na nairido o casualty sa mga insidente nin kasulo.
Mientrastanto, sinabi kan opisyal na padagos an imbestigasyon sa posibleng kawsa kan mga nasambitang kasulo.
