LEGAZPI CITY-Pigkasa kan Bureau of Fire Protection (BFP) Albay, pigkasa an ‘Oplan Ligtas Pamayaman’ Program sa mga barangay level bilang pag-obserba sa National Disaster Resilience Month.
Segun kay BFP Albay Provincial Fire Marshal Fire Superintendent Jerickson Miraflor, sa intrevista sa Bombo Radyo Legazpi na ini sa paagi kan mga aktibidad, trainings, fire olympics asin pagduman mismo sa mga barangay ngani ma-monitor an nsabing programa.
Kun sain nagkakaigwa sinda nin pag-evaluate kan mga community fire volunteer sa barangay, na magigin enot na responder sa kasulo asin iba pang insidente na posibleng mangyari sa saindang lugar.
Obheto kan lakdang na magkaigwa nin force multiplier sa pag-implementar kan fire code asin igwang mga nasa ground mismo na ma-respunde enkaso wara pa an mga responder hale sa national agency ngani matugunan an anumang emerhensya sa saindang barangay.
