LEGAZPI CITY – 81 iligal na parasira an naherasan kan Bureau of Fisheries and Aquatic Resources (BFAR) Bicol nin mga libreng bangka sa Pandan, Catanduanes.
Sigon sa tagapagtaram kan BFAR Bicol na si Nonie Enolva, kinumpirmar kaini na nambariwas sinda nin 81 fiber glass boats sa mga illegal fishers sa nasambitan na banwaan.
Ginibo suboot ini sa paagi kan sarong seremonya kaibanan si Pandan Mayor Raul Tabirara asin BFAR Office 5 Regional Director Dr. Juan D. Albaladejo na ipig-ladawan pa ni Enolva bilang sarong espesyal na aktibidad.
Igwa suboot nin katuyuhan an saindang proyekto na maingganyar an mga iligal na parasira na atamanon an kadagatan asin iba pang water resources sa paagi kan tamang paggamit kan mga ini.
Napag-araman man kaya na nagagamit nin air compressor an 81 resipyente kan mga bangka na delikado sa salud sigon ki Enolva.
Parte man suboot ini kan saindang puga-pugang mga proyekto katakod kan Fish-cural project o Fisheries and Agricultural project sa rehiyon.
Ineksplikar kan opisyal na ini an lakdang kan BFAR Bicol ngani na mapapundo na an mga parasira sa paggamit nin mga bagay na nakakaraot sa kadagatan arog kan dinamita.
