LEGAZPI CITY- Nagpaluwas nin local red tide warning an Bureau of Fisheries and Aquatic Resources (BFAR) Bicol sa katubigang sakop kan Milagros, Masbate makalihis na magpositibo sa paralytic shellfish toxin an mga nakolektar na shellfish samples digdi.
Segun kay Rowena Briones, tagapagtaram kan BFAR Bicol sa intrevista kan Bombo Radyo Legazpi, paramientras na pinagbabawal sa nasabing lugar an pagdakop, pagpabakal asin pagkakan kan ano man na klase nin shellfish asin alamang.
Pigpapaalerto man kan nasabing ahensiya an lokal na gobyerno huli sa kadalasan suboot na nagpopositibo sa local warning an nagpopositibo man sa regular monitoring asin confirmatory.
Pigklaro man kan opisyal na delikado an pagkaon kaini sa mga lugar na positibo sa red tide huli sa nakakalason ini na pwedesir na ikagadan kan makakakaon kaini.
Mientrastanto, padagos man an monitoring kan ahensya para maabisohan an publiko kun igwang red tide toxin sa nagkapirang kadagatan kan kabikolan.
Kinakaipuhan suboot na magsunod an publiko sa saindang mga pigpapautob para sa kaligtasan asin seguridad kan mga ini.
Kun babalikan, huring nagpositibo sa red tide an coastal waters kan Milagros, Masbate kan nakalihis na Mayo, 2024.
