LEGAZPI CITY—Pighayag kan sarong political analyst na wara nang ulang na legal en kaso na arestaron kan mga lokal na otoridad si Senator Bato Dela Rosa makalihis na ibasura kan Supreme Court an kahagadang temporary restraining order laban sa pagpapaotob kan arrest warrant hali sa International Criminal Court.
Segun sa sarong political analyst na si Dr. Dennis Coronacion, sa intrevista kan Bombo Radyo Legazpi, pwedesir nang arestaron si Dela Rosa maski dae pa nadedesisyunan an mga argumento kan saindang kampo.
Posible man suboot na may paninimbagan an Senado sa pagtago ni Dela Rosa huli sa may pag-aabuso sa mayorya sa pagtao nin protective custody na dae parte kan saindang kapangyarihan.
Kahaputan man ni Coronacion kun nata dae hiniling o binuksan an surat gikan sa ICC asin dae tulos ini naipaotob urog na kun naipadara na an arrest warrant kan nakalihis na taon.
Mensahe man niya na dae magin emosyonal huli sa ini an pagpapaotob nin mga prinsipyo na dapat kutang nag-iiral sa nacion, siring man na wara suboot sa isipan kan nagkapirang senador an interes kan namamanwaan kundi pansadiri sana an pig-iisip tuyong sinda magdedebatehan sa Senado.
