LEGAZPI CITY- Nangapudan an mga transport groups sa administrasyong Marcos na resolberan an problema sa paglangkaw kan presyo kan produktong petrolyo.
Segun ki Legazpi-Daraga Jeepney Operators Drivers Association President Edison Briones sa paghahapot kan Bombo Radyo Legazpi na padagos na nadudugangan an saindang pagtios.
Paliwanag kaini na nagseserbisyo sinda sa pamamasada puon aga hasta banggi, alagad barya-barya sana an nai-uuli sa saindang pamilya.
Agrangay kaini na nadidifisilan na sinda sa preseteng sitwasyon.
Dugang pa ni Briones na wara pang kasiertuhan kun nuarin ninda mareresibe an P5,000 na promesa kan gobierno na fuel subsidy.
Tinawan duon kaini na mas dapat na tutukan kan gobierno an pagpapababa kan presyo kan langis huli ta an nasabing kantidad an tulong aldaw sanang makokunsumo sa pamamasada.
