Pighayag ni National Maritime Council spokersperson USec. Alexander Lopez na warang nairehistrong panghaharass hali sa Chinese militia sa barko kan Pilipinas na ipinadara karibay kan BRP Teresa Magbanua ngani na magbantay sa Escoda shoal sa West Philippine Sea.
Napag-araman na bako sana Escoda shoal an pigbabantayan kan nasabing barko kundi magin an iba pang sakop kan West Philippine Sea.
Marurumduman na enot ng kinumpirmar ni National Security Adviser Eduardo Año na naglayag na an barko na iriribay sa BRP Teresa alagad paramientras na nagsirong huli sa maraot na kamugtakan kan panahon.
Sinabi man kan opisyal na dae kaipuhan nin bagong kasunduan sa pagultangan kan Pilipinas asin China huli ta an importante, iyo an mapundo na an anuman na reclamation activities sa lugar.
