LEGAZPI CITY — Duwang parabulang an dinakop kan mga pulis kasabay an saindang barangay kapitan makalihis an isinagibong anti-illegal gambling operation sa Barangay Sta. Cruz, Donsol, Sorsogon.
Susog sa report gikan sa Donsol Municipal Police, nabisto an mga suspek na sinda Jerry Peñaflor, 54-anyos; Ricky Castillo, 37-anyos asin Barangay Kapitan Ernesto Pantua, 68-anyos.
Dae na nin dulagan an mga ini kan maaktuhan kan mga otoridad na nagsasagibo nin iligal na tupada sa nasambitan na lugar.
Nakumpiskar sa posisyon kan mga suspek an sarong pambulang na manok asin tari na may sukol na poco mas o menos sarong pulgada na igwa nin halabang sarungan.
Sa presente, nasa kustodiya kan Donsol MPS an mga nasambitan na persona mientras na pighahanda an kasong isasangat kontra sainda.
