LEGAZPI CITY- Piglalatag na sa ngunyan kan Albay Power and Energy Corporation (APEC) an plano para sa pagkakaag nin prepaid meter sa napiling pilot area na Barangay Bacolod sa ciudad nin Tabaco.
Sa intrevista kan Bombo Radyo Legazpi kay Pat Gutierez an tagapagtaram kan APEC, siring na suboot kaini an piggagamit kan MERALCO sa Manila na dakula an naitatabang nganing maibitaran an mga deliquent consumers na dae nagbabayad nin kuryente asin mga iligal na koneksyon.
Paliwanag kan opisyal na sa siring na sistema mabakal muna an konsyumer nin suplay na ilo-load sa saindang meter nganing makagamit nin kuryente.
Nakadepende na sana sa konsyumer kung matipid o magastos sa paggamit asin kung mahaloy an load nin sarong bulan.
Sa ngunyan nasa 46 na mga residentes sa nasabing barangay an planong enot na makaganan kan prepaid meter huli ta iyo man ini an mga tultol na nagbabayad nin kuryente.
Magigirumduman na ngunyan bulan sana liwat na naibalik an suplay nin kuryente sa 46 na konsumidores sa nasabingh barangay makalihis na magluwas sa rekord kan APEC na sa 298 na konsyumer apat sana an nagbabayad nin bill asin kadaklan an iligal na koneksyon na.
