May direchos an publiko na maaraman an katotohanan, urog na kun imbwelto digdi an mga public officials na nahahampang sa mga alegasyon kan bako tamang paggamit o paglustay sa confidential asin intelligence funds.
Huli digdi, sinabi ni dating Supreme Court Senior Associate Justice Antonio Carpio na may kapangyarihan an impeachment court na pigbibilog kan Senator-judges na i-subpoena an bank records-documents na posibleng susi nganing patunayan o pahimutikan an mga alegasyon laban kay Vice President Sara Duterte.
Nahahampang si Duterte sa impeachment trial sa mga alegasyon kan “high crimes,” kabale an korupsion asin pagkaka-imbwelto suboot niya sa assassination plot laban kay Presidente Ferdinand Marcos Jr.
Sentro kan reklamo laban saiya an paggasta sa P125 million na confidential asin intelligence funds sa laog sana nin 11 aldaw makalihis na magtukaw sa puwesto kan 2022, na segun sa mga mambabatas an pagbayolar sa fiscal protocols asin accountability standards.
