Legazpi City – Nagpaluwas na nin abiso an toxic watchdog na Ban Toxic manungod sa mga paggamit nin paputok pirang semana antes an pagselebrar nin kapaskuhan asin bagong taon
Sa intrevista kan Bombo Radyo Legazpi kay Ban Toxic Campaigner, Thony Dizon, nanutaran an nagkapirang mga Pilipino na amay na nagbabakal nin paputok para sa nagdadangadang na selebrasyon.
Amay na nagpaluwas nin abiso asin nagsagibo nin monitoring an Ban Toxic huli sa presensya kan mga amay na bentahan kan paputok sa merkado. Nangapudan man an opisyal sa mga otoridad para sa amay na pagsasagibo nin inspeksyon sa mga nagbebeta kan paputok.
Base sa datos asin obserbasyon kan grupo nanutaran man an diit diit na pagbawas kan mga naggagamit nin mga paputok. Pinagkukunsidirar man kan grupo na sarong trayumpo sa saindang lado an naobserbaran na pagpapautob kan mga LGU nin pagbabawal sa bentahan kan paputok.
Dugang pa kan opisyal na sa ibong kan pagoogma ay dapat rumdumon an pag-iingat sa posibleng peligro na dara kan mga paputok.
