Namantenir kan bagyong Romina an kusog kaini mantang nasa kadagatan na parte kan Kalayaan Island sa Palawan.
Susog sa state weather bureau, nahiling an sentro kaini sa may 40 kilometers kan North-Northwest kan La Carlota City, Negros Occidental.
May kusog ini nin paros na maabot sa 55 kilometers per hour asin pagbugso na nasa 70 kilometer per hour.
Nakabandera naman an signal number 1 sa Kalayaan Islands sa Palawan.
Makakaeksperyensya nin makukusog na paghukol sa parte kan Batanes, Babuyan Islands, Ilocos Norte asin Kalayaan Islands.
Nag-abiso man an PAGASA sa mga parasisira na ibitaran an paglayag sa mga nasambitang mga lugar.
Mientrastanto, pwedesir na magkusog pa an bagyo sa mga masunod na oras mantang ini dagos nang maluya Lunes nin banggi.
