Idineklara ang state of calamity sa Baguio City kasunod kan padagos na epekto kan krisis sa langis na kawsa kan giyera sa Middle East.
Ini makalihis aprubaran kan city council ang Resolution No. 257 series of 2026, na umaayon sa naenot na deklarasyon kan national state of emergency ni Presidente Ferdinand Marcos Jr.
Pinirmahan ni Baguio Mayor Benjamin Magalong ang nasabing resolusyon nganing pormal na ipaotob an state of calamity sa ciudad.
Huli kaini, pwedesir gamiton kan lokal na gobierno an saindang disaster risk reduction and management funds nganing masimbagan an epekto kan kakulangan sa suplay kan enerhiya.
Pigtutugutan man an government na mobilize kan mga kinakaipuhang resources, magpaotob nin mga regulasyon, asin makipagkoordinar sa mga national agency para sa mas epektibong pagpapaotob nin programa.
Susog sa report, dakula an naging epekto kan paghalangkaw kan presyo kan langis sa ciudad, kabale na an pagbaba kan numero kan mga turista nin sagkod 50% kan nakalihis na Semana Santa.
