Bagong raot nin panahon an nanotaran sa sirangang parte kan Pilipinas asin piglalaomang malaog sa Philippine Area of Responsibility (PAR) sa mga masunod na aldaw.
Kapag dagos ining naglaog, ini an aapudon na si Bagyong Uwan, an ika-21 tropical cyclone ngonian na taon.
Segun kay weather specialist Grace Castañeda, pwedesir sa huring parte kan semana makaapektar sa nacion an nasabing weather disturbance.
Posibleng tumama ini sa Luzon asin sa iba pang parte kan nacion, depende sa magigin hiro kaini sa mga masunod na aldaw.
Sa presente, nagtetenir pa ining nasa luwas kan PAR, alagad padagos pa ining pigbabantayan kan mga eksperto.
Piglalaoman pa an dalawa sagkod limang bagyo na pwedesir maglaog sa PAR bago matapos an taong 2025.
Padagos an pagirumdom kan mga otoridad na maging alerto asin preparado sa posibleng epekto kan maabot na raot nin panahon.
 in the coming days.){kind=link}