Nagadan an sarong babaeng motorcycle rider makalihis masemplang asin maligidan kan pampasaherong jeep sa MacArthur Highway sa Caloocan City.
Basado sa imbestigasyon, nawaran nin kontrol an motorsiklo asin natumba sa kataid kan nag-aandar na jeepney.
Sa kamondoan, an pumina-irarom an rider asin an saiyang payo naipit sa goma kan lunadan.
Tulos man na nagresponde an driver kan jeepney asin ginamit an jack sa pag-alsa kan jeepney, alagad dae na naisalbar an buhay kan biktima na idineklarang dead on arrival sa ospital.
Segun sa mga awtoridad, hale sa road trip an biktima asin pauli na kuta sa Marilao, Bulacan.
Basado sa imbestigasyon, posibleng nangiturog an babae o pagal na kun kaya dae na nakontrol an saiyang motorsiklo.
Maski nanindugan an driver kan jeepney na dae niya nabunggo an biktima, natumba ini sa kataid mismo kan saiyang behikulo, rason na matamaan an saiyang payo kan walang goma kan jeepney.
Sa npresente, nagtitinir na sa kostudiya kan Caloocan Police an driver kan jeepney mantang nagpapadagos an imbestigasyon.
Nagsayuma siyang magtao nin pahayag.
Padagos an pagirumdom kan mga otoridad sa mga motorista na magpahingalo asin siguraduhon na nasa marhay na kondisyon an mga ini bago magbyahe nganing maibitaran an siring na trahedya.
