Sarong 39 anyos na babaeng market vendor an nadukayang gadan sa laog kan saiyang harong sa Ilocos Norte.
Segun sa imbestigasyon, nadukayan na nakagapos, nakabusal, asin medyo huba an biktima.
Base sa postmortem examination, nagkaigwa siya nin mga lugad asin gasgas sa saiyang payo.
Nawara man an saiyang mga alahas asin kwarta, kaya dai pighahale kan mga awtoridad na motibo an paghabon.
Posible man na linugos an victima, segun sa pulis maski nagpapadagos pa an imbestigasyon.
Nakuwa an bangkay kan biktima sa sala kan saiyang harong, asin mayong senyales nin pirit na paglaog o labanan sa laog.
Segun sa mga awtoridad, nadiskubre kan saiyang manugang na babae an bangkay makalihis na dae magsimbag sa mga apod an biktima.
An babae nag-iistar nin solo makalihis na makibulagan sa saiyang agom, asin an saiyang duwang aki nag-iistar man nin magkasuhay.
Sa presente, pigrerepaso kan mga otoridad an kuha kan CCTV kan barangay ngani na mabisto an posibleng suspek sa krimen.
