LEGAZPI CITY- Nagkondusir na nin inspeksyon sa mga technical hub ngani na mahiling an kahandaan kan mga gagamiton sa May 2025 elections.
Segun ki Commision on Elections Bicol Director Atty. Jane Valeza sa intrevista kan Bombo Radyo Legazpi na pinaglalaoman na nasa 5,097 na mga automated counting machines an maabot sa rehiyon.
Dugang pa digdi an labi sa 1,000 na dugang na contingency.
Oras na mag-100% na maresibe na an nasabing mga makina, saro-saro na suboot ining dadarahon sa mga provincia asin mga munisipyo.
Mientras tanto, sinabi man kan opisyal na nakatalaan sa Mayo 5 ang testing asin sealing kan nasabing mga makina.
Segun ki Valeza na obheto kaini na maipahiling sa publiko na nagagana an nasabing mga makina asin handang gamiton para sa pirilian.
