Pigsugo ni dating Presidente Rodrigo Duterte an saiyang dating Executive Secretary na si Atty. Salvador Medialdea nganing umasiste sa saiyang initial appearance sa International Criminal Court (ICC) ngonian na aldaw.
Makakaibahan ni Medialdia an Office of Public Counsel for the Defence.
Basado sa kopya kan ‘Notification of the Representation of Mr. Rodrigo Duterte during his initial appearance’ na iniluwas kan ICC, kan March 12 an inapoint ni dating presidente an saiyang dating ES bilang saro sa saiyang mga counsel sa ICC proceeding.
Nakasaad pa digdi na kan March 13, 2025, binisita kan ICC Registry an dating lider kan nacion nganing mapag-olayan an saiyang initial na appearance sa Pre-Trial Chamber 1 asin nagpahayag an dating pangulo kan saiyang kagustuhan na asistehan siya ni Medialdea kaiba an Office of Public Counsel for the Defense.
Ngonian na aldaw an nakatalaang humampang an dating presidente sa pre-trial chamber 1 kan ICC.
Sa irarom kan enot na appearance, kukumpirmahon an saiyang identidad, iimpormaran siya sa saiyang kaso, asin sasabihon an saiyang mga karapatan sa irarom kan ICC Rome Statute.
Magsisirbing Presiding Judge si Judge Iulia Motoc asin makakaibahan an duwang ICC judges na sinda Judge Reine Alapini Gansou asin Judge Maria del Socorro Flores Liera.
 today, March 14, 2025.){kind=link}