Pighayag ni Atty. Harry Roque na marani na siya sa Korte Suprema huli sa suboot pigigibong pagsupil kan mga kongresista sa saiyang libertad.
Ini an kasunod kan planong pagbabawal ki Roque na magluwas sa Pilipinas katakod kan imbestigasyon kontra saiya.
Nanindugan si Roque na hasta sa warang kasuguan sa hukuman, dae pinagbabawalan an kalayaan na makapag biyahe.
Paliwanag kaini na sa ngunyan, wara pa nin anuman na kaso na naisusunad kontra saiya.
Liwat man na tinuyaw ni Roque an Kamara de Representante sa ipigkokundusir na imbestigasyon kontra saiya kasunod kan pagkonektar sa Philippine Offshore Gaming Operator asin kun igwa man suboot siyang nabayolar na ley, nanindugan ini na bako an Kamara an tamang forum.
Inakusaran man kaini an mga kongresista na personal na an panibagong contempt order kontra saiya.
