LEGAZPI CITY-Magsasagibo nin civilian-led missions an Atin Ito Coalition sa ibong kan nangyaring insidente sa West Philippine Sea (WPS).
Segun kay Atin ito Coalition Co-convenor Rafaela David, sa intrevista kan Bombo Radyo Legazpi, na magsasagibo sinda nin mga civilian-led, peaceful vision para sa WPS sa ibong kan mga nangyayaring aggression, huli sa kaipuhan na ma-assert asin ma-exercise an mga direchos kan mga Pilipino sa mapayapang paraan.
Dagdag pa niya na, mahihiling an pagkakaiba kaini, kung sain an nangha-harass an China, mantang an akbayan bitbit suboot an ayuda asin musika ngani pagsararuon an boses kan mga Pilipino, na magpapaabot nin mensahe asin magpapakusog kan laban kan nacion sa WPS.
Sinabi man ni David, na dai na siya mabibigla kun baliktadon kan China an mga istorya mapadapit sa WPS huli sa mga fake news man sana ini, asin mismong international court na an nagsabi na pabor ini sa nacion asin an Exclusive Economic Zone (EEZ) na sakop kan WPS an pagsadiri mismo kan Pilipinas.
Dugang pa ni David na sa kadakol na mga aggression kan China, asin sa kadakol na naraot na marine resources, dapat suboot bayadan ninda ini asin respituhon an kalikasan huli sa an Pilipinas an igwang soberanya sa lugar.
Piglalaoman ninda na suportahan asin i-regularize an mga civilian-led missions sa WPS siring kan pigsasagibo kan saindang akbayan huli sa bako lang ini trabaho kan gobierno, kundi magin an mga mamamayan.
