Binuksan na kan Armed Forces of the Philippines an taunan na exercises na kumpwesto kan Philippine Navy, Philippine Army asin Special Operations forces o an AFP Joint Exercise DAGIT-PA.
Obheto kan nasabing aktibidad na magin eksperto an mga suldados sa territorial defense.
Segun ki AFP chief General Romeo Brawner Jr. na dakol na mga aktibidad an gigibuhon kaibanan na an command post exercise, field training exercise, asin cyber warfare exercise.
Ikokundusir man an island seizure exercises sa western portion kan Palawan.
Napag-araman na magkakaigwa man nin amphibious counterlanding exercises, air defense exercises, siring man an joint intelligence, surveillance, and reconnaissance asin maritime security exercises.
Nasa 3,000 personnel man an pinaglalaoman na makikipartisipar sa exercises na gigibuhon sa Western Command asin Northern Luzon Command.
