Ipigdoon ni Archie Alemania an saiyang pagigin inosente sa kasong acts of lasciviousness na isinunad laban saiya kan aktres na si Rita Daniela.
Sa pagdangog sa Bacoor, Cavite, nagsunad nin not guilty plea an aktor asin pighagad kan saiyang kampo na dae tukaron sa publiko an merito kan kaso.
Nagnigar na man sindang magtao nin pahayag mapadapit sa isyu.
Segun sa reklamo ni Daniela, hinadukan asim kinaputan siya ni Alemania nin warang permiso makalihis an sarong thanksgiving party kan September 2024.
Dugang pa niya, pirang beses siyang nakadangog nin bako kaaya-ayang taramon hale sa aktor.
Nakahampang ni Daniela si Alemania sa nasabing pagdangog, kaiba an saiyang abogado na si Atty. Maggie Abraham-Garduque.
Sa ibong kan mga alegasyon, nagtetenir na silensyo an kampo ni Alemania sa publiko.
