LEGAZPI CITY- Dae suboot nin naresibeng detalyadong impormasyon an Albay Power and Energy Corporation (APEC) dapit sa pigsasagibong operasyon ngunyan kan National Grid Corporation (NGCP) na nagkakawsa nin pagpurupalsok kan kuryente sa nagkapirang banwaan sa Albay.
Sigon ki Engineer Ed Piamonte, Operations Manager 1 and 3 kan APEC, inabisuhan sana sinda kan NGCP sa paagi kan sarong text message na igwa nin mangyayaring emergency interruption huli sa nanotaran na line fault sa mga substation sa Ligao, Polangui asin Brgy. Washington asin Bitano sa syudad kan Legazpi.
Sinabi ni Piamonte na iyo sana an solamenteng abiso sainda kan nasambitan na ahensya kun sain baad tighahanap ngunyan kaini an line fault.
Dugang pa kan opisyal, dakulang parte kan probinsya an apektado kan power interruption urog na an mga nasa ika-duwa asin tirser distrito.
Sienerto man ni Piamonte na tulos na ipapaaram kan APEC kun igwa na sinda nin mga dugang na impormasyon dapit digdi.
