Nagsuko na sa hepatura kan General Trias Police Office kan Domingong banggi, Marco 8 an apat na suspetsado na imbuelto sa hazing incident na nagresulta sa pagkagadan kan saro sa mga biktima.
Segun ki Cavite Public Information Office Chief PLt. Sara Jane Drio, personal na nagsuko an apat sa paggiya kan saindang kanya-kanyang mga abogado asin maging kan saindang fraternity organization.
Napag-araman man na nagkaigwa pa nin pagkakataon an duwa sa apat na suspetsado na darahon sa ospital an biktima.
Binisto an mga suspek na sinda John Lee Tuliao, Archie Rosil, Kenneth Ompod asin John Rey Torrecampo.
Mientrastanto, padagos man an pangapudan kan mga otoridad sa iba pang suspechado na magsuko asin makikooperar sa nagpapadagos na imbestigasyon kan pulisya.
