Ipina-otob na an anti-epal guidelines sa irarom kan mga polisiya kan Department of Budget and Management (DBM) asin kan Office of the President (OP).
Ini an ipinahayag ni DILG Sec. Jonvic Remulla, kasabay an mas dakulang papel kan mga LGU sa paghatod kan mga basic services asin an anti-political na probisyon sa 2026 General Appropriations Act.
Segun ki Remulla, mahigot na ipinagbabawal an pagbugtak kan mga pangaran, ladawan, o logo kan mga pulitiko sa mga proyektong pinondohan kan gobyerno.
An mga detalye sana kan proyekto arog kan pangaran kan proyekto, petsa, kontratista, asin pinagkuwaan nin pondo an pwedesir ibugtak.
Katakod kaini, nangapudan si Remulla sa publiko na isumbong sa social media an mga pagbayolar ngani na tulos na maimbestigahan.
Sa ibong kan dae man tulos maresulta sa pagkahale sa pwesto an pagbalgar, posible suboot na suspendiron an mga imbwelto.
Inihayag ni Remulla na pwedesir man nindang ipasa an kaso sa Ombudsman.
Kasong administratibo an kakahampangon kan mga pulitiko na dae masunod sa guidelines asin probisyon.
Nagtutubod an kalihim na nganing magkaigwa nin ngipon an Anti-Epal campaign, dapat na magkrear nin ley an mga mambabatas.
 and the Office of the President (OP).){kind=link}